1937 жыл. Қуғын-сүргіннің өршіп тұрған кезі. Көктемде тойдан бірге қайтқан жетеудің біреуі арыз жазып, алтауы ұсталатын кез. Әлі ес біліп, етек жиып үлгермеген Барсханның әкесі Мұртазадан тірідей айырылатын тұсы. Міне, сол күннен бастап шиеттей үш баланы жеткіземін деп Айшаның көрмегені жоқ. Ал «Ай мен Айша» – сол кездегі бес жасар Барсханның, кейін Халық жазушысы атанған Шерхан Мұртазаның анасына қойған ескерткіші. Соғыс, қуғын-сүргін, одан кейінгі мың құбылған саясат аясында өскен балалардың өмірі мен тағдыры туралы екі кітаптан тұратын роман тілге жеңіл, оқуға ыңғайлы.